O‘quvchilarni kasb-hunarga yo‘naltirish va psixologik-pedagogik Respublika tashxis markazi, Toshkent shahar muhandislik ta'limi assotsatsiyasi va Toshkent shahar xalq ta'limi bosh boshqarmasi bilan hamkorlikda “O‘quvchilarni kasbiy mahoratini, intellektual salohiyatini oshirish va kasbiy faoliyatga bo‘lgan qobiliyat va kompetensiyalarni shakllantirish” davlat ijtimoiy buyurtmasi loyihasi doirasida joriy yilning 16-mart kuni Toshkent shahri Chilonzor tumanidagi 131-umumta'lim maktabida “Umumta'lim maktablari o‘quvchilarini kasb-hunarga yo‘naltirish ishlari samaradorligini oshirish” mavzusidagi seminar o‘tkazildi.

Mazkur seminarda Chilonzor tumanidagi 126- va 195-a-umumta'lim maktablarining 9-11-sinf o‘quvchilari (jami 200 nafar) ishtirok etdi.

Tadbir davomida o‘quvchilar Toshkent shahridagi “Ishga marhamat” Monomarkazi to‘g‘risida ma’lumotga ega bo‘ldilar hamda “O‘quvchilarni kasb tanlashda e'tibor berishi kerak bo‘lgan asosiy me’zonlar”, “Yoshlarni muhandislik kasbiga yo‘naltirishning asosiy omillari” kabi mavzularda ma'ruzalar va tayyorlangan videoroliklar taqdimoti bo‘lib o‘tdi. Tadbir yakunida o‘quvchilarga tashkilotchilar tomonidan tayyorlangan esdalik sovg‘alari taqdim etildi.